{"id":925,"date":"2011-08-31T10:01:00","date_gmt":"2011-08-31T05:01:00","guid":{"rendered":"http:\/\/davronbek.ziyouz.com\/?p=925"},"modified":"2011-08-31T10:06:45","modified_gmt":"2011-08-31T05:06:45","slug":"yurtimizda-iyd-al-fitr-manzaralari-fotoreportaj","status":"publish","type":"post","link":"http:\/\/davronbek.ziyouz.com\/?p=925","title":{"rendered":"Yurtimizda Iyd al-Fitr manzaralari (fotoreportaj)"},"content":{"rendered":"

Farg\u2018ona viloyatidagi eng katta va qadimiy masjidlardan biri, Marg\u2018ilon shahridagi \u00abXonaqoh\u00bb jome\u2019 masjidida bu yil Ramazon har yilgidan-da fayzli o\u2019tdi. Rahmat oyi avvalidan boshlangan xatmi Qur\u2019onni 1968-yildan beri ushbu jome\u2019da xizmat qilayotgan ulamo, masjid imom xatibi Mulla Sobirjon qori Marg\u2019iloniy tabarrukan boshlab berib, Muhammad Tohir qori Marg\u2019iloniy va shogirdlari kuniga 2 juz\u2019dan, tajvid bilan o\u2019qib berishdi. 16-kechada Qur\u2019oni karim xatmonasiga Shayx Muhammad Sodiq Muhammad Yusuf hazratlari tashrif buyurib, ma\u2019ruza qildilar va xatmi Qur\u2019on so\u2019nggida yurtimiz va xalqimiz haqiga xayrli duolar qildilar.<\/p>\n

Erta tongdan bomdod namozini ham jamoat bilan o\u2019qish maqsadida yig\u2019ilgan mo\u2019minlar allaqachon \u00abXonaqoh\u00bb masjidining asosiy binosini to\u2019ldirishdi. Bomdoddan so\u2019ng, Hayit namozi uchun jamoat yig\u2019ilguncha hayit kuning fazilatlari kabi mavzularda mav\u2019izalar qilindi. Shu kuni masjid joylashgan shoxko\u2019cha IIB xodimlari tomonidan to\u2019silib, namozxonlarga sharoit yaratib berildi. Jamoat masjid hududidan tashqariga ham kengayib, bugungi Iyd namozini birgina \u201cXonaqoh\u201d masjidida 10000 ga yaqin musulmonlar ado etdilar. Namoz so\u2019nggida xutba o\u2019qilib, namozxonlar, xalqimiz, yurtimiz haqiga duolar qilindi va barcha musulmonlarni katta bayram bilan tabriklandi.<\/p>\n

Bu yilgi hayit kuni kuni haqida \u201cfalon joyda bir kun oldin hayit ekan, biz ro\u2019zamizni ochishimiz kerak ekan\u201d, degan bir qancha mish-mishlar tarqaldi. Mulla Sobirjon qori Marg\u2019iloniy: \u00abAlloh taoloning shariati kimningdir yoki biron yurtning amali bilan emas, Qur\u2019on va sunnatga ko\u2019radir. Ibn Umar roziyallohu anhu Rasululloh sollallohu alayhi vasallamdan qilgan hadisda \u00abOyni ko\u2019rib ro\u2019za tutinglar va uni ko\u2019rib ochinglar. Agar uni bulut to\u2019sib qolsa, o\u2019ttiz kunni mukammal qilinglar\u00bb, deb marhamat qilingan. Sunnatga ko\u2019ra, har bir o\u2019lka o\u2019zi hilol ko\u2019rishi haqidagi hadislar ham vorid bo\u2019lgan. O\u2019zbekiston Musulmonlari idorasi Falakiyot instituti olimlarining ma\u2019lumotlariga ko\u2019ra, 29-kuni hilol ko\u2019rinmagach, shu bugunni hayit deya belgiladilar. Bizlarga esa ushbu fatvoga amal qilish lozim bo\u2019ladi. Vaholanki, 29-kuni Vatanimizda biron kimning hilol ko\u2019rgani haqida xabarni eshitmadik.\u00bb<\/p>\n

Ayni paytda Marg\u2019ilon shahrida 26 ta jome\u2019 masjidi mavjud bo\u2019lib, bu yil ularning har birida tarovih namozlarida Qur\u2019oni karim xatm etildi. Mulla Sobirjon qori Marg\u2019iloniy:
\n\u00abSovetlar zamonida hayit namozlarini o\u2019qib olish qanchalik mushkul edi, berkinib, xavotirda namoz o\u2019qilardi. Bolalar, yoshlarni masjidlarga yaqinlashtirishmas, maktablarda majburan ro\u2019zalarini ochtirib yuborardilar\u2026 Murattab qorilar ham barmoq bilan sanarli edi. Mustaqillik, tinchlik ne\u2019matini bergan Allohga hamdlar bo\u2019lsin. Hozirda mana shunday shinam, go\u2019zal masjidlarda bexavotir tarovihlarni o\u2019qiyapmiz. Birgina Marg\u2019ilon shahrimizdan 100 dan ortiq murattab qorilarimiz yetishib chiqdilar. \u00bb<\/p>\n

473 yillik tarixga ega bo\u2019lgan, UNESCOning tarixiy obidalari ro\u2019yxatida turuvchi \u00abXonaqoh\u00bb jome\u2019 masjidi O\u2019zbekiston Madaniyat va sport ishlari vazirligi va bir qator saxovatpesha tashkilotlar mablag\u2019lari hisobiga 2009-yilning fevral oyidan qayta ta\u2019mirlanib, 2010-yil Mustaqillik bayrami arafasida asosiy qism foydalanishga topshirilgan edi. Ayni paytda ta\u2019mirlash va qayta rekonstruksiya ishlari davom ettirilmoqda. Jome\u2019 masjidda bir vaqtning o\u2019zida 5000 dan ortiq namozxonlar ibodat qilish imkoniyatiga egadir.<\/p>\n

Barcha musulmon ahliga kirib keltgan Ramazon hayiti muborak bo’lsin!
\nQutlug’ oyda qilingan ibodatlarni O’zi maqbul aylasin!
\nKeyingi Ramazongacha sog’-omon, tinchlik-osudalikda yetishimizni nasib etsin!<\/p>\n

Vatanimiz Mustaqilligining 20-yillik ayyomi ham qutlug’ bo’lsin!
\nYurtimiz tinch, hayotimiz farovon, iymonimiz butun bo’lsin!<\/p>\n

Davronbek Tojilaliyev.<\/strong><\/p>\n

Muallif olgan suratlar.<\/strong><\/p>\n

\n
\n
\"Marg'ilon<\/dt>\n
Marg’ilon shahridagi “Xonaqoh” jome’ masjidi<\/dd>\n<\/dl>\n<\/div>\n
\n
\n
\""Xonaqoh"<\/dt>\n
“Xonaqoh” jome’ masjidi imom-xatibi Mulla Sobirjon qori Marg’iloniy<\/dd>\n<\/dl>\n<\/div>\n
\n
\n
\"Hayit<\/dt>\n
Hayit namozidan so’ng bir-birlarini qutlayotgan nuroniylar<\/dd>\n<\/dl>\n<\/div>\n
\n
\n
\"Imom-xatib<\/dt>\n
Imom-xatib Sobirjon qori va noib Muhammad Tohir qori Marg’iloniylar<\/dd>\n<\/dl>\n<\/div>\n
\n
\n
\""Xonaqoh"<\/dt>\n
“Xonaqoh” jome’ masjidi imom-xatibi Mulla Sobirjon qori, muazzin Akramjon qori va noib Muhammad Tohir qori<\/dd>\n<\/dl>\n<\/div>\n

\"\"\n\t\t