Муаллиф ҳақида

davronbek

Men – Tojialiyev Davronbek Rustamovich 1984-yil, 15-fevral kuni Marg‘ilon shahrida dunyoga kelganman.

1990–93-yillarda Marg‘ilon shahridagi Alisher Navoiy nomidagi 3-o‘rta maktabda, 1993–2000-yillari “Istiqbol” gimnaziyasida ta’lim oldim. 1998–2000-yillarda Marg‘ilon shahri va Farg‘ona viloyatida geografiya bo‘yicha fan olimpiadasida 1-o‘rinni, 2000-yildagi Respublika olimpiadasida 6-o‘rinni egalladim.

2000-yili Toshkent davlat Iqtisodiyot universitetiga imtihon topshirib o‘qishga kira olmadim. 2001-yili O‘zbekiston davlat jahon tillari universitetining xalqaro jurnalistika fakultetiga hujjat topshirib, 252 ball bilan 4-o‘rinda o‘qishga kirdim. 2005–2007-yillari O‘zbekiston Milliy universitetining jurnalistika fakulteti magistraturasida ta’lim oldim.

2001-yil sentabr oyidan “Ma’rifat” gazetasida muxbir, keyinchalik dizayner bo‘lib ishladim. 2004-yili www.ziyouz.com portalini tashkil etib, uni ma’lumotlar bilan to‘ldira boshladim. Ayni paytda bu portal o‘zbek tilidagi eng boy axborot manbalaridandir. 2005–2006-yillarda “7 mo‘jiza” gazetasida mas’ul kotib, 2006–2007-yillarda “Max-Print” kompaniyasida dizayner, 2007–2008-yillarda “Tafakkur Plus” MCHJda dizayner va bo‘lim boshlig‘i, 2008–2009-yillarda “Tafakkur” nashriyoti axborot texnologiyalari bo‘limi boshlig‘i, 2011-yilda Nyu York shahrida chop etiladigan birinchi o‘zbek gazetasi “Vatandosh”da Bosh muharrir lavozimlarida ishladim.

Polish-Czech-Slovak Solidarity Foundation tomonidan tashkil etilgan “Fostering Independent Publishing in Central Asia 2nd” dasturida (2005-yil, Polsha),  BBC iLearn system asosida Transition online tomonidan tashkil etilgan “Introduction to online journalism” kursida (2008),  British Council tomonidan tashkil etilgan “New silk road” ijodkorlar seminarida (2008-yil, Qozog‘iston),  II Markaziy Osiyo Internet forumida (2011-yil, Qozog‘iston),  Germaniya Tashqi ishlar vazirligi tomonidan tashkil etilgan “Migration and Integration in Germany” media-kursida (2011-yil, Germaniya), Turkiya Bosh vazirligi Matbuot va axborot qo‘mitasi tomonidan tashkil etilgan “Turkey Media Training Program” dasturida (2014-yil, Turkiya), AQSh davlat departamenti tomonidan tashkil etilgan “Journalism: Print Media and Blogging” dasturida (2015-yil, AQSh) qatnashdim.

2012-2014-yillarda UZ Milliy domeni Internet-festivalining “Fan va ta’lim sohasida eng yaxshi sayt” yo‘nalishida men tashkil etgan www.ziyouz.uz portali birinchi o‘rinni qo‘lga kiritdi. Shuningdek, 2013-yili o’tkazilgan “Milliy Internet tanlovi” – MIT.Uzda ham www.ziyouz.uz sayti g’oliblikka erishdi.

2013-yili xalqimizning ko‘p asrlik  ma’naviy qadriyatlari, madaniyatini keng targ‘ib qilish, milliy manfaatlarimizni himoyalash, yoshlarni turli axborot xurujlari, jumladan, “ommaviy madaniyat”ning salbiy ta’siridan asrashga qaratilgan jurnalistik faoliyatim uchun Internet-jurnalistika yo‘nalishida “Oltin qalam” Milliy mukofotini qo‘lga kiritdim. Shu yili Germaniya federativ respublikasi hamda AQSh elchixonalari tomonidan o’tkazilgan jurnalistlar ijodiy tanlovlarida ham g’olib bo’ldim.

Oilaliman, 1 o‘g‘il va 1 qizim bor.

Ushbu blogda o‘zimning ijodiy ishlarim, shuningdek ingliz, rus, turk tillaridan tarjimalarimni taqdim etmoqdaman.

E-mail: davronbek@gmail.com, davronbek@yahoo.com, davronbek@outlook.com

* * *

Мен – Тожиалиев Давронбек Рустамович 1984 йил, 15 февраль куни Марғилон шаҳрида дунёга келганман.

1990–93 йилларда Марғилон шаҳридаги Алишер Навоий номидаги 3-ўрта мактабда, 1993–2000 йиллари “Истиқбол” гимназиясида таълим олдим. 1998–2000 йилларда Марғилон шаҳри ва Фарғона вилоятида география бўйича фан олимпиадасида 1-ўринни, 2000 йилдаги Республика олимпиадасида 6-ўринни эгалладим.

2000 йили Тошкент давлат Иқтисодиёт университетига имтиҳон топшириб ўқишга кира олмадим. 2001 йили Ўзбекистон давлат жаҳон тиллари университетининг халқаро журналистика факултетига ҳужжат топшириб, 252 балл билан 4-ўринда ўқишга кирдим. 2005–2007 йиллари Ўзбекистон Миллий университетининг журналистика факултети магистратурасида таълим олдим.

2001 йил сентябрь ойидан “Маърифат” газетасида мухбир, кейинчалик дизайнер бўлиб ишладим. 2004 йили www.ziyouz.com порталини ташкил этиб, уни маълумотлар билан тўлдира бошладим. Айни пайтда бу портал ўзбек тилидаги энг бой ахборот манбаларидандир. 2005–2006 йилларда “7 мўъжиза” газетасида масъул котиб, 2006–2007 йилларда “Макс-Принт” компаниясида дизайнер, 2007–2008 йилларда “Тафаккур Плюс” МЧЖда дизайнер ва бўлим бошлиғи, 2008–2009 йилларда “Тафаккур” нашриёти ахборот технологиялари бўлими бошлиғи, 2011 йилда Нью-Йорк шаҳрида чоп этиладиган биринчи ўзбек газетаси “Ватандош”да Бош муҳаррир лавозимларида ишладим.

Polish-Czech-Slovak Solidarity Foundation томонидан ташкил этилган “Fostering Independent Publishing in Central Asia 2nd” дастурида (2005 йил, Польша),  BBC iLearn system асосида Transition online томонидан ташкил этилган “Introduction to online journalism” курсида (2008),  British Council томонидан ташкил этилган “New silk road” ижодкорлар семинарида (2008 йил, Қозоғистон),  II Марказий Осиё Интернет форумида (2011 йил, Қозоғистон),  Германия Ташқи ишлар вазирлиги томонидан ташкил этилган “Migration and Integration in Germany” медиа-курсида (2011 йил, Германия), Туркия Бош вазирлиги Матбуот ва ахборот қўмитаси томонидан ташкил этилган “Turkey Media Training Program” дастурида (2014 йил, Туркия), АҚШ давлат департаменти томонидан ташкил этилган “Journalism: Print Media and Blogging” дастурида (2015 йил, АҚШ) қатнашдим.

2012-2014 йилларда UZ Миллий домени  Интернет-фестивалининг “Фан ва таълим соҳасида энг яхши сайт” йўналишида мен ташкил этган www.ziyouz.uz портали биринчи ўринни қўлга киритди. Шунингдек, 2013 йили ўтказилган “Миллий Интернет танлови” – MIT.Uzда ҳам www.ziyouz.uz сайти ғолибликка эришди.

2013 йили халқимизнинг кўп асрлик  маънавий қадриятлари, маданиятини кенг тарғиб қилиш, миллий манфаатларимизни ҳимоялаш, ёшларни турли ахборот хуружлари, жумладан, “оммавий маданият”нинг салбий таъсиридан асрашга қаратилган журналистик фаолиятим учун Интернет-журналистика йўналишида “Олтин қалам” Миллий мукофотини қўлга киритдим. Шу йили Германия федератив республикаси ҳамда АҚШ элчихоналари томонидан ўтказилган журналистлар ижодий танловларида ҳам ғолиб бўлдим.

Оилалиман, 1 ўғил ва 1 қизим бор.

Ушбу блогда ўзимнинг ижодий ишларим, шунингдек инглиз, рус, турк тилларидан таржималаримни тақдим этмоқдаман.

E-mail: davronbek@gmail.com, davronbek@yahoo.com, davronbek@outlook.com

87 thoughts on “Муаллиф ҳақида

  1. АССАЛОМУ АЛАЙКУМ, САЙТ ЯРАТУВЧИЛАРИ! СИЗЛАР САЙТ ОРҚАЛИ ҚАЛБЛАРГА ЗИЁ ОЛИБ КИРЯПСИЗЛАР! БУ ЙЎЛДА ТОЛМАНГЛАР. АГАР ШЕЪРИЙ МАШҚЛАРИМ МАЪҚУЛ КЕЛСА, УЛАРНИ ҲАМ ЖОЙЛАШТИРСАНГИЗЛАР, БОШИМ ОСМОНГА ЕТАРДИ!

    ЯХШИЛИКНОМА
    Инсон яшаш керак исмига монанд,
    Солиштириш гуноҳ у паст, мен баланд,
    Кўзга тик қарайлик, бўлиб мардга мард,
    Бировни ёмонлаб яхши бўлмайсиз!

    Болангизга ўрнак кўрсата олинг,
    Мен яхши одамман деб айта олинг,
    Яшил боғ қолдирган бир ота бўлинг,
    Бировни ёмонлаб яхши бўлмайсиз!

    Оламнинг энг ёруғ рангиман деманг,
    Қолганлар эскирган янгиман деманг,
    Фақат Худо мангу. Мангуман деманг,
    Бировни ёмонлаб яхши бўлмайсиз!

    Ўзлигин йўқотган қора кўнгилсиз,
    Ўзингиздан сўранг: нега қодирсиз!?
    Ёв кетгандан кейин чиққан ботирсиз,
    Бировни ёмонлаб яхши бўлмайсиз!

    Ғийбатдан, ҳасаддан тилингиз тийинг,
    Ўзингизни билинг, бошқани қўйинг,
    Қиличдан бу сўзни юракка ўйинг,
    (Қилич бу сўзларни юракка ўйинг,)
    Бировни ёмонлаб ким яхши бўлган!?
    22 феврал, 2014 йил

    Дов давралар тўрида тўра,
    Савлати бор онаси борнинг.
    Минг карра бой минг бойдан кўра,
    Давлати бор онаси борнинг.
    Дўстлик дастин тутар душмани,
    Куни чўкса, ойдир тушгани,
    Бир гуноҳмас, минг адашгани,
    Омади бор онаси борнинг.
    Кечасидан бугуни кўп соз,
    Юришлари султонларга хос,
    Қалби бутун, бахтдан бир овоз,
    Қудрати бор онаси борнинг.
    Комиллиги онаси сабаб,
    Ҳалоллиги онаси сабаб,
    Буюклиги онаси сабаб,
    Ҳиммати бор онаси борнинг.
    2012 йил 10-12-июл
    ПОЛВОН ЭЛ
    Омонликлар топган омон-омон элим,
    Кенг кўнглига осмон сиққан осмон элим,
    Шафқат қилмай чангал солган Искандару
    Чингизларни енгиб чиққан полвон элим!

    Дўстини деб офатларга ўзин тутган,
    Тошлар отган қўшнисига ошлар тутган,
    “Қирқ бирнинг” боласига кўкрак тутган,
    Дардин ютиб дардмандларга дармон элим!

    Икки дарё сарҳадлаган ўтлиғ эл бу,
    Яхшисидан яхшиси кўп қутлуғ эл бу,
    Ҳозири ҳам келажаги улуғ эл бу,
    Илму ижод бўстонида боғбон элим!

    Темури бор буюкларга СОҲИБҚИРОН,
    Бобури бор бошқа юртда қурган ТУРОН,
    Исломи бор буюк қалбли, қалби ҚУРЪОН
    Иймон отли карвонларга сарбон элим!

    Самарқанди еру само келинчаги,
    Бухороси дини иймон суянчиғи,
    Шавкатли Шош − исломият қалб мунчоғи,
    Она замин бағридаги маржон элим!

    Асрлардан омон чиққан полвон элим…
    2012 йил 7-21 ноябр

  2. Assalomu aleykum. Hurmatli sayt muallifi. Avvalo yaxshi saayt uchun sizga raxmat. Va yutuqlar bilan tabrik etaman. Menga bir masalada yordamingiz kerak. Siz bilan qanday uchrashsak buladi?

  3. Assalomu alaykum! Men bu saytga yangi a’zoman… Saytga gap yo’q! Hamma izlagan ma’lumotlarimni shu yerdan topayapman. Muallifga kottakon rahmat! Ishlariga omad tilayman!

  4. Assalomu alaykum mening notanish haloskorim!!!
    sizga mingdan ming rahmat!
    Sababi men anchadan bir kitobni hamma kutubxonalar-u, kitob do’konlaridan qidirib topa olmayotgan edim, bugun mana shu sayt orqali o’sha kitobni rus tilida bo’lsa ham elektron variantini topishga muvaffaq bo’ldim!!!
    Ishlaringizga omad, Olloh o’zi madadkor bo’lsin!

  5. Sayt menga juda yoqdi. Davron bek sizga omad tilayman. Kelgusi ishlarizda. Bu sayt kirgan har qanday odamga yoqishi tayin. Faqat “+no title” hamma stranitsada chiqishi shart emas. OK

  6. Ассалому алайкум.
    Сайтингиз жуда яхши, фойдали.
    Иложи булса мобил курулмалар учунхам булим очсангиз. Демокчи булганим FB2 форматдахам китоблар кушсангиз миннатдор булардик

  7. Жуда яхши маълумотлар жамланган. Хақиқатдан ҳам ўзбек тилидаги энг йирик манбалардан бири дейиш мумкин. Албатта бу жуда катта меҳнат ва вақтни талаб қиладиган юмушдир. Энг муҳими барча маълумотлар бепул тақдим этилган. Хурматли муаллиф ва ижодкорлар сизларга соғлиқ ва шижоат тилаб қоламан. Ҳорманг

  8. Accaлому алайкум. Иккита мақолангиз “Ислом нури”да кетяпти. Бирига Даврон Тожиалиев, иккинчисига Даврон Рустам ўғли десам бўладими Фб. киролмаяпман. Блогга хат ёздим

  9. Ва алайкум ассалом.
    Ихлосиддин, Сарвин.уз, Шаҳбоз, Достон, Умид, Ҳумоюддин, Расул, Сафарбой, фикр билдирганингиз учун сизларга катта раҳмат. Саломат бўлинглар.

    Райҳона опа. Ҳа, бирига Давронбек Тожиалиев, иккинчисига Даврон Рустам ўғли десангиз бўлади.

  10. Assalomu alayko`m Davronbek aka sog` omonmisiz?
    Sizga Samarqand Davlat Universitetidan yozmoqdaman. Men bir necha yillardan buyon mazkur sayt orqali turli xildagi ma`lumotlardan foydalanaman. Bu sohada eng yetakchi sayt bo`lmish ziyouz.com sayti faoliyatiga ulkan muvofaqiyatlar tilayman. Ilm targ`botidek ulkan savobli yo`lda aslo charchoq bilmanglar. Hurmat ila Rahmatulla Shokirov

  11. xabaringiz bor prezidentimiz I.A. Karimovning yangi asari elon qilingan edi. ona yurtimiz baxtu iqboli hamda buyuk kelajagi yulida xizmat qiliw eng oliy sapdatdir asarini elektron variantini topa olmayapman sayt xodimlaridan iltimosim shu asarni eletron versiyasini saytga joylashtirsangizlar.
    oldindan raxmat xurmat bilan Quvadan Odilbek

  12. Ассалому алайкум, хурматли сайт ходимлари!
    Сизлардан илтимос,
    Фенимор Куперни «Сўнги могикан» асарини ўзбек тилида крилл алифбосида жойлаштирсангиз, ажойиб бўлардида.

  13. Assalomu alaykum !!! Hurmatli Davron aka sizning bu saytingiz bilan anchadan tanishman. Men Nukus shahrida kollejda “informatika” fanidan o’qituvchi bo’lib ishlayman. Ko’pchilik o’quvchilar yoki o’qituvchilar kelib mendan yaxshi kitoblar haqidagi saytni so’raydi. Muddao o’tadigan bo’lsam bizning kollejda Tas-ix tan boshqa saytlarga kirmaydi. Sizdan iltimos saytingizni Tas-ix server qo’sha olmaysizmi

  14. assalomu alaykum, kechirasiz saytga biz tomonimizdan ham kitoblar kiritilsa bo’ladimi? yo’li qanday uni?

  15. Yaratgan saytingiz, “www.ziyouz.com” sayti qaysi dasturlash tilidan foydalanib yaratilgan. Yoki qaysi “CMC”lar yordamida yaratilgan. Demoqchimanki shu kabi sayt yartish uchun amaliy mashqlarni ham saytingizga joylashtirib borsangiz. Menga juda katta yordam bergan bo’lar edingiz. Yordamingiz uchun oldindan rahmat!

  16. Saytingizda EPUB formatidagi kitoblarni quysangiz yanada yaxshi bulardi. Yoki internetda qayerdan EPUB formatidagi O’zbek tilidagi kitoblarni download qilsa buladi?

  17. Agar quyosh yer yuziga nur sochsa, Ziyouz.com odamlar qalbiga ziyo sochmoqda. Davronbek Tojialiyev, Sizga katta rahmat.Juda kerakli va foydalanishga qulay sayt.

  18. djvu файлини pdf га алмаштирса бумайдими , файлни скачать килиб булмайди ,админдан илтимос

  19. Assalomu alaykum. Davronbek. Sizga katta tashakur deyman. Bu saytga kirgan odam ziyo ummonida yurganday his qilsa ajabmas. Yanada savobda bardavomli bulishingizni Ollohdan tilab qolaman. Ishlaringizga omad.

  20. ассалому-алайкум яхши ишни бошлабсиз хайирли ишларингизда ОЛЛОХим доим мадаткор бўлсин илоим.
    Сизга куч-кувват ва янги йил арафасида янги зафарлар тилаб қоламан

  21. Раҳмат сизга . Чин зиё тарқатувчи сайт . Ишларизга улкан омадлар тилайман .

  22. Ассалому-алайкум Давронбек.
    Килаётган хайрли ва савобли ишларингизга АЛЛОХ мададкор булсин ва уз панохида сакласин.

Leave a Reply

Your email address will not be published. Required fields are marked *