www.ziyouz.com тарихи

Порталдаги маълумотлар каминанинг 14-15 йиллик қизиқиш ва интилишлари самарасидир. Ёшлигимдан турли хил ажойибу-ғаройиботларга қизиқишим боис, даставвал кичик дафтарлар, сўнгра кундаликларга маълумотлар йиғиб юрардим. Мана шундай дафтарлардан 7 таси мавжуд бўлиб, унда 7 йиллик ахборотлар йиғилган. Дастлабки йиллар Ziyouz’да ҳам ана шу информациялардан фойдаланилди.

2004 йил, 9 апрель. Ziyouz портали илк бор дунё юзини кўрди. Ўшанда сайтда 20 та мақола мавжуд эди. Илк бор ziyouz портали ziyo-uz.land.ru манзили остида фаолият олиб борган. Ярим йил ичида сайтдаги мақолалар сони 300 тага етган.

2004 йил, 8 декабрь. Ўзбек тилида илк бор бошқотирмалар сайти иш бошлади. Ўшанда сайт манзили: ziyo.pochta.ru эди. Ўша пайтда сайтга 100 га яқин кроссворд, сканворд ва бошқотирмалар киритилган.

2005 йил, 14 май. Сайтда форум ишлай бошлади. Зиё истаган қалбларнинг илк форуми ziyouz.proboards20.com манзилида эди. Ушбу форум ўзбек тилидаги илк форумлардан бири эди.

2005 йил, 1 сентябрь. Land.ruдаги бепул хостингга мақолалар сиғмаганлиги боис сайт ziyouz-uz.narod.ru манзилига кўчирилди. Ўша пайтда сайтдаги “Янгиликлар”, “Ислом”, “Иқтисод”, “Сиёсат”, “Маърифат”, “Ажойиботлар” бўлимларида 500 дан ортиқ мақола жамланганди.

2006 йил, 25 январь. “Халқ сўзи” газетасида чоп этилган “Айб фақат ёшлардами?” мақоласида ziyo-uz.narod.ru сайти ҳақида илиқ фикрлар билдирилди. Ушбу мақола порталимиз ҳақида расмий оммавий ахборот воситаларида эълон қилинган илк хабар эди.

2006 йил, 12 июнь. Ziyouz портали расман “мустақилликка эришди”. Турли бепул, лекин хархашали хостинглардан қочиб, мустақил равишда www.ziyouz.com номи остида янгидан фаолият бошланди. Дастлаб ruweb.net’дан олинган хостинг 50 Мб ҳажмда эди. Ойига 1000 Мб трафик бериларди. Бу трафик эса ойнинг 10-15 кунида тугаб қолар, қолган кунлари сайт ишламай турарди. Сайт аввал html’да ясалган эди. Янги хостингга дастлаб Joomla платформаси ўрнатилди.

2006 йил, 13 июнь. Порталдаги Ислом бўлими алоҳида ажратилиб, islom.ziyouz.com манзилида фаолият бошлади.

2006 йил, 14 июнь. Ziyouz форуми янги манзилда иш бошлади: forum.ziyouz.com. Аввалги форум ёпилиб, ундаги мавзулар мундарижаси янги форумга кўчирилди. Аввалги форумда 4000 га яқин аъзо, 15000 га яқин мулоҳаза мавжуд эди.

2006 йил, 15 июль. Биринчи ўзбекча кроссворд, сканворд ва бошқотирмалар сайти янги манзилда фаолият бошлади: kross.ziyouz.com.

2006 йил, 1 сентябрь. Ўзбек тилида илк марта табрикномалар сайти ташкил этилди: cards.ziyouz.com.

2007 йил, 27 март. Ўзбекистон шаҳарлари фотогалереяси ташкил этилди: photo.ziyouz.com. Галереяга 730 та расм киритилди.

2008 йил, 14 апрель. “Ўзбекистон” телеканалининг “Ассалом, Ўзбекистон!” дастурида www.ziyouz.com портали ҳақида лавҳа берилди.

2008 йил, 27 июнь. www.ziyouz.com портали ташкил этган “Биз Исломни биламизми?” танловининг 1-босқичи якунланди. Унда Пайғамбаримиз Муҳаммад с.а.в. сийратларидан 200 та савол берилди. 52 киши иштирок этди.

2008 йил, 17 декабрь. www.ziyouz.com портали ташкил этган “Биз Исломни биламизми?” танловининг 2-босқичи якунланди. Унда Пайғамбаримиз Муҳаммад с.а.в. сийратларидан 200 та савол берилди. 29 киши иштирок этди.

2009 йил, 15 январь. “Келажак овози” газетасида 1 саҳифалик “www.ziyouz.com: Зиё истаган қалблар учун!” мақоласи чоп этилди.

2009 йил, 4 февраль. www.ziyouz.com билан ҳамкорликда Хожа Аҳмад Яссавийнинг янги топилган ҳикматлари ҳамда эски ҳикматлар йиғилиб, турк тилига таржима қилиниб, “Divan-i Hikmet” номи остида (Dr. Hayati Bice тайёрлаган, 520 саҳифа) Анқарада чоп этилди. Айни китоб 2011 йили ҳам 6-марта босмадан чиқди. Шунингдек, порталимиз билан ҳамкорликда Нажмиддин Кубро, Абдухолиқ Ғиждувоний, Юсуф Ҳамадоний асарлари ҳам турк тилига таржима қилинди.

2009 йил, 15 июнь. “Ёшлар” телеканалининг “Давр ёшлари” кўрсатувида Зиёуз портали ҳақида ҳикоя қилинди. Айни шу репортаж “Тошкент” телеканалида ҳам намойиш этилди.

2009 йил, 14 июль.
“Ишонч” газетасида www.ziyouz.com портали ҳақида “Таралаётган зиё” мақоласи чоп этилди.

2009 йил, 20 октябрь. “Жаннатмакон” журналида “ХХI аср ёзма оғзаки тили ҳақида ўйлар” умумий сарлавҳаси остида Ziyouz.com портали ҳақида ҳам 2 бетлик мақола чоп этилди.

2010 йил, 27 февраль. www.ziyouz.com портали ташкил этган “Биз Исломни биламизми?” танловининг 3-босқичи якунланди. Унда Пайғамбаримиз Муҳаммад с.а.в. сийратларидан 200 та савол берилди. 36 киши иштирок этди.

2010 йил, 12 июль. Зиё истаган қалбларнинг Youtube канали ишга тушди: www.youtube.com/user/ziyouzcom

2010 йил, 22 ноябрь. www.ziyouz.com портали ташкил этган “Биз Исломни биламизми?” танловининг 4-босқичи якунланди. Унда Пайғамбаримиз Муҳаммад с.а.в. сийратларидан 200 та савол берилди. 46 киши иштирок этди.

2010 йил, 17 декабрь. “Ўзбекистон адабиёти ва санъати” газетасида www.ziyouz.com маънавий порталида Алишер Навоийнинг “Хамса”си тўлиқ электрон вариантда жойланганлиги ҳақида хабар эълон қилинди.

2011 йил, 14 апрель. “Жамият” газетасида эълон қилинган “Интернетда ижод истиқболи” мақоласида www.ziyouz.com нинг маълумотлар базаси ҳақида эслаб ўтилди.

2011 йил, 27 май. Порталимиз билан ҳамкорликда Жанубий Кореянинг Пусан шаҳрида “Она Ватан эртаклари” номли китоб Ўзбек ва корейс тилларида чоп этилди.

2011 йил, 6 июнь. Ziyouz.com портали узнетда ҳам ўз номига эга бўлди: www.ziyouz.uz

2011 йил, 30 июнь. Порталимиз Facebook тармоғида ҳам ўз саҳифасига эга бўлди: https://www.facebook.com/ziyouzcom

2011 йил, 15 август. АҚШда чоп этиладиган “Ватандош” газетасининг “Фойдали сайт” рукнида www.ziyouz.com ҳақида мақола чоп этилди.

2011 йил, 23 сентябрь. www.ziyouz.com портали ташкил этган “Биз Исломни биламизми?” танловининг 5-босқичи якунланди. Унда Пайғамбаримиз Муҳаммад с.а.в. сийратларидан 140 та савол берилди. 42 киши иштирок этди.

2012 йил, 9 февраль. Улуғ бобокалонимиз Алишер Навоий таваллуди муносабати билан “Ўзбекистон” каналининг “Ассалом, Ўзбекистон” дастурида Навоий асарларининг интернетда жойланиши мавзусида www.ziyouz.com ҳақида алоҳида таъкидланди.

2012 йил, 15 февраль. Айни пайтда порталимиздан 6184 та илмий-оммабоп, маърифий мақолалар, 1532 та электрон китоб (PDF, HTM, DJVU, MP3, JAR форматларида), ўзбек адабиётидан 675 та ҳикоя, 280 та ҳажвия, жаҳон адабиётидан 197 та ҳикоя, 600 дан ортиқ ижодкорнинг фаолиятига оид маълумотлар, ўзбек мумтоз шеъриятидан намуналар (66 ижодкор), замонавий ўзбек шеърияти намуналари (168 ижодкор), жаҳон шеърияти намуналари (206 ижодкор), 10000 дан ортиқ ўзбек мақоллари, 5000 га яқин жаҳон халқлари мақоллари, 265 та ҳикоят, 30000 га яқин ҳикматли сўз ва афоризмлар, 1500 та топишмоқ, 100 га яқин халқ эртаклари, юртимиз ҳақида 900 дан ортиқ фотосуратлар, 200 га яқин расмли табрикномалар ўрин олган.
Портал форумида 130 бўлим, 5258 мавзуда 336574 та пост қолдирилган.
Islom.ziyouz.com сайтида муқаддас динимизга оид 2313 та мақола ва маълумотлар мавжуд.
Ziyouz.com сайтида жами ўқилган саҳифалар сони 19 979 922 тани, forum.ziyouz.comда 48 196 655 тани, islom.ziyouz.comда 4 980 808 тани, kross.ziyouz.comда 1 034 669 тани ташкил этмоқда.
www.uz рейтингига кўра, порталимиз Ўзбекистон сайтлари орасида 40-ўринни эгаллаб турибди (14.02.2012 куни 2997 та ташриф (ҳост), 22606 ўқилган саҳифа (хит). Openstat рейтинггига кўра эса, 14.02.2012 куни сайтимизга 4817 киши ташриф буюрган, 23282 та саҳифа ўқилган. Ўзбекистон форумлари рейтингида forum.ziyouz.com 11-ўринни эгаллаб турибди.
Ziyouz.com билан ҳамкорликда Шарқий Туркистонда бирқанча ўзбек асарлари таржима қилинди. Шунингдек, жаҳон адабиёти асарлари ҳам ўзбек тили орқали уйғурчага таржима қилинди. Афғонистонда ҳам бирқанча ўзбек ҳикоя ва қиссалари эски ўзбек тилида, эски ёзувда чоп этилди. Шунингдек, жаҳон адабиётидан ҳикоялар ҳам ўзбек тили орқали Афғонистондаги ўзбеклар учун эски ўзбек тилида тайёрланди. Туркияда илмий иш ўлароқ Ўткир Ҳошимовнинг “Дунёнинг ишлари” романи, Худойберди Тўхтабоевнинг “Жаннати одамлар” романи, Ойбекнинг “Қутлуғ қон”, “Улуғ йўл” романлари таржима қилинди.

2012 йил, 6 апрель. Facebook тармоғидаги мухлисларимиз сони 1000 тага етди.

2012 йил, 30 апрель. BBC радиосининг ўзбек хизмати сайтида www.ziyouz.com фаолияти ҳақида радио суҳбат ўтказилди. Ушбу суҳбат асосида радио сайтида “Нега кутубхоналаримиз бозорларимиздай гавжум эмас?” деб номланган интервью чоп этилди.

2012 йил, 18 июль. «Экономическое обозрение» журналининг 2012 йил № 5-сонида Жамолиддин Турдимовнинг «Узнет: ўзбекча гапирамиз» (О перспективах и проблемах ориентации на узбекскоговорящую аудиторию) мақоласи эълон қилинди. Мақолада Ziyouz.com портали муҳаррири Давронбек Тожиалиевнинг ҳам фикрлари эълон қилиниб, портал ҳақида ҳам илиқ фикрлар билдирилди.

2012 йил, 20 август. Ўзбек интернети тарихида ўзбек тилидаги энг кўп китоб киритилган кун бўлди. Бугун ziyouz.com порталига 152 та янги китоб юкланди. Порталимиздаги жами китоблар сони 2135 тани ташкил этди! Бундан олдинги рекорд 2011 йил, 5 февраль куни ўрнатилган эди. Ўшанда порталга бир кунда 81 та янги китоб юкланган эди.

2012 йил, 24 сентябрь. UZ Миллий домени Интернет-фестивалининг “Фан ва таълим соҳасида энг яхши сайт” йўналишида www.ziyouz.uz портали биринчи ўринни қўлга киритди.

2012 йил, 6 декабрь. Электрон китобларимиз сони 3000 дан ошди.

2013 йил, 13 январь. BBC сайтида «Ўзбек тилидаги энг машҳур веб-сайт қайси?» деб номланган мақола эълон қилинди. Унда ziyouz.com портали фаолияти ёритилди.

2013 йил, 8 март. «Ўзнет ёки Ўзбекча гапирамиз» мақоласи ўзбек тилида эълон қилинди.

2013 йил, 9 апрель. Айни пайтда www.ziyouz.com порталидан 13867 та (асосий порталда 7996 та, islom.ziyouz.com да 2335 та, www.ziyouz.uz да 2383 та, русча саҳифада 1085 та, инглизча саҳифада 68 та) илмий-оммабоп, маърифий мақолалар, 3367 та электрон китоб (PDF, HTM, DJVU, MP3, JAR форматларида), ўзбек адабиётидан 1671 та насрий асар, жаҳон адабиётидан 465 та насрий асар, 600 дан ортиқ ижодкорнинг фаолиятига оид маълумотлар, ўзбек мумтоз шеъриятидан намуналар (124 ижодкор), замонавий ўзбек шеърияти намуналари (281 ижодкор), жаҳон шеърияти намуналари (246 ижодкор), 10000 дан ортиқ ўзбек мақоллари, 5000 га яқин жаҳон халқлари мақоллари, 265 та ҳикоят, 30000 га яқин ҳикматли сўз ва афоризмлар, 1500 та топишмоқ, 100 га яқин халқ эртаклари, юртимиз ҳақида 900 дан ортиқ фотосуратлар, 200 га яқин расмли табрикномалар ўрин олган.
Кунига порталга 5000-6000 фойдаланувчи ташриф буюради (www.uz рейтингига кўра, 2500-3500). Openstat маълумотларига кўра, 2012 йилнинг ўзида сайтга кирганлар сони 1 585 000 дан ошди, 35 000 000 саҳифа ўқилди. 2004 йилдан бери порталга ташриф буюрганлар сони 12 000 000 дан ошди.
Порталга Ўзбекистондан сўнг Россия (йилига 255 000 киши), АҚШ (170 000), Корея (32 000), Туркия (26 000), Хитой (24 000), Қозоғистон (23 000), Қирғизистон (22 500), БАА (12 000), Германия (11 000), Тожикистон (10 000), Украина (10 000) каби 160 дан ортиқ давлатдан ташриф буюришади.

2013 йил, 11 апрель. Ziyouzда эълон қилинган «Harlem Shake: бемаънилик илдизи қаерда?» мақоласи юзасидан АҚШнинг «Washington Post» газетаси муносабат билдирди. Шунингдек «Vatandosh» газетаси ҳам мақола бўйича хулосаларини чоп этди.

2013 йил, 16 апрель. Facebook тармоғидаги мухлисларимиз сони 3000 дан ошди.

2013 йил, 3 май. 3 май — Жаҳон матбуоти эркинлиги кунида бўлиб ўтган “Олтин қалам” VIII Миллий мукофоти учун халқаро танлов ғолиб ва совриндорларини тақдирлаш маросимида www.ziyouz.com, www.ziyouz.uz веб-сайтлари бош муҳаррири Давронбек Тожиалиевга ушбу мукофот топширилди.

2013 йил, 23 май. Республика “Китоб байрами”да www.ziyouz.com ҳам қатнашди. Портал муҳаррири “Китоб – миллатнинг бебаҳо маданий мероси” мавзуидаги илмий-амалий конференцияда “Жаҳон интернет тармоғида миллий-адабий меросни тарғиб қилишнинг долзарб вазифалари” мавзусида маъруза билан иштирок этди.

2013 йил, 5 июнь. «Ҳуррият» газетасида «www.ziyouz.com: Зиё истаган қалблар учун» мақоласи чоп этилди. Мақолада интернет, китоб мутолааси ва тарғиботи масалалари ёритилиб, Ziyouz.com фаолияти ижобий баҳоланди.

2013 йил, 9 июль. Openstat маълумотларига кўра, шу куни портал тарихида энг кўп – 9500 киши ташриф буюрди.
Ташриф буюрувчилар: 9 505
Ташрифлар: 11 115
Ўқилган саҳифалар: 31 982

2013 йил, 12 июль. «Ўзбекистон адабиёти ва санъати» газетасида Ziyouz.com портали ҳақида «Халқаро эътироф» мақоласи чоп этилди.

2013 йил, 1 август. Республика «Машъал» радиосининг «Ҳамма учун» дастурида www.ziyouz.com фаолияти ёритилди.

2013 йил, 8 август. Facebook тармоғидаги мухлисларимиз сони 4000 дан ошди.

2013 йил, 24 август. Ўзбек интернети тарихида энг кўп янги китоб киритилган кун. Бугун www.ziyouz.com порталига 205 та янги китоб юкланди. Порталимиздаги жами китоблар сони 3739 тага етди!

2013 йил, 29 август. «Маънавият ва маърифат» телеканалининг «Бугун» дастурида «Зиё истаган қалблар учун» сайтининг фаолияти ҳақида лавҳа узатилди.

2013 йил, 30 август. Порталдаги электрон китоблар сони 4000 дан ошди. Ziyouz.comдаги жами китоблар сони 4110 тани ташкил этди. Улардан 2458 таси турли мавзудаги PDF китоблар, 140 таси дарсликлар, 446 таси журналлар, 568 таси аудиокитоблар, 69 таси мобил телефонлар учун китоблар ҳамда 429 таси рус тилидаги ўзбек адабиёти ва тарихига бағишланган китоблардир.

2013 йил, 16 сентябрь. Зиё истаган қалблар портали Android платформаси учун ҳам электрон китобларни чиқара бошлади. Google Play Marketда порталнинг саҳифаси очилди.

2013 йил, 23 сентябрь. UZ Миллий домени Интернет-фестивалининг “Фан ва таълим соҳасида энг яхши сайт” йўналишида www.ziyouz.uz портали кетма-кет иккинчи йил биринчи ўринни қўлга киритди.

2013 йил, 24 сентябрь. “Камолот” ёшлар ижтимоий ҳаракати ташаббуси билан қатор вазирлик, идора ва ташкилотлар ҳамкорлигида ташкил этилган Миллий Интернет танловининг “Ўзбекистоннинг бой маданияти, санъати, тарихи ва мустақиллик ғоясини акс эттирадиган энг яхши сайт” номинациясида Ziyouz портали иккинчи ўринни эгаллади.

2013 йил, 10 октябрь. “Parvona” газетасида www.ziyouz.com фаолияти ҳақида “Моддий манфаат йўқ бўлса ҳам маънавий фойда катта” номли мақола эълон қилинди.

2013 йил, 3 декабрь. “Маданият ва маърифат” телеканалининг “Бизнинг ёшлар” кўрсатуви www.ziyouz.com раҳбари фаолияти ҳамда “Зиё истаган қалблар учун!” порталига бағишланди.

2013 йил, 26 декабрь. Facebook тармоғидаги мухлисларимиз сони 5000 дан ошди.

2014 йил, 3 январь. Openstat маълумотларига кўра, 2013 йилда www.ziyouz.com порталига ташриф буюрганлар сони 2 300 000 дан ошган (кунига ўртача 6300 киши). 40 000 000 саҳифа ўқилди.
Ташриф буюрганларнинг 1 500 000 нафари Ўзбекистондан бўлса, Россия (377 000), АҚШ (130 000), Қирғизистон (46 000), Корея (40 000), Қозоғистон (36 000), Туркия (34 000), Тожикистон (18 000), БАА (13 000), Украина (12 000), Швеция (10 000) каби 160 дан ортиқ давлатларидан ҳам кўплаб мухлислар баҳраманд бўлишди.
2013 йили порталга 1 139 436 киши мобил қурилмалар орқали ташриф буюрган. Энг кўп Nokia, Samsung, Apple, SonyEricsson, HTC, LG, Fly, Alcatel, Huawei аппаратлари орқали сайтга кирилган.
Портал учун энг кўп Opera Mini браузеридан фойдаланилган. Кейинги ўринларни Chrome, Opera, Android Browser, Firefox, Internet Explorer браузерлари эгаллашди.
Йил давомидаги ташрифларнинг 1 300 000 таси қидирув системалари ҳиссасига тўғри келган. Ziyouz.com дан энг кўп “сўралган” сўзлар: Алишер Навоий, намоз вақтлари, зиё, Амир Темур, луғат, шеърлар, Мирзо Улуғбек, ўзбек халқ мақоллари, ҳадислар, Абу Али ибн Сино, топишмоқлар, Муҳаммад Юсуф, Бобур, Қодирий, китоблар…

2014 йил, 30 январь. Портал янги хостингда иш бошлади. n.ziyouz.com, islom.ziyouz.com, forum.ziyouz.com сайтлари дизайни ҳам янгиланди.

2014 йил, 31 январь. 2013 йили порталда эълон қилинган икки мақола учун (Германияда Ислом: кеча ва бугун, АҚШда Ислом: кеча ва бугун) www.ziyouz.com раҳбари Германия федератив республикаси ва Америка қўшма штатлари элчихоналари томонидан ташкил этилган журналистлар танловида ғолиб бўлди.

2014 йил. 9 апрель. “Зиё истаган қалблар”нинг 10 йиллиги муносабати билан кичик танлов эълон қилинди. Танлов www.ziyouz.com га бағишланиб, портал ҳақида мақола, фикр, хотира, шеър, табрик, ролик, расм, коллажлар тақдим этилди. Энг яхши тақдим эгаси ЎзМУ талабаси Акром Маликка флешка ва китоблар ҳадя этилди.

2014 йил, 22 май. Республика “Китоб байрами”да www.ziyouz.com ҳам қатнашди. Портал муҳаррири “Китоб – миллатнинг бебаҳо маданий мероси” мавзуидаги илмий-амалий конференцияда “Ўзбекистонда электрон китоблар бозори истиқболлари” мавзусида маъруза билан иштирок этди.

2014 йил, 3 июнь. Facebook тармоғидаги мухлисларимиз сони 6000 дан ошди.

2014 йил, 22 сентябрь. UZ Миллий домени Интернет-фестивалининг “Фан ва таълим соҳасида энг яхши сайт” йўналишида www.ziyouz.uz портали кетма-кет учинчи йил биринчи ўринни қўлга киритди.

2014 йил, 19 октябрь. Ўзбек интернети тарихида энг кўп янги китоб киритилган кун. Бугун www.ziyouz.com порталига 486 та янги китоб юкланди. Порталимиздаги жами китоблар сони 4949 тага етди!
Бундан олдинги рекордлар 2013 йил 24 август (205 та янги китоб), 2012 йил 20 августда (152 та янги китоб) ва 2011 йил, 5 февраль куни ўрнатилган эди (81 та янги китоб).

2014 йил, 21 ноябрь. Facebook тармоғидаги мухлисларимиз сони 7000 дан ошди.

2014 йил, 1 декабрь. Порталдаги электрон китоблар сони 5000 дан ошди. Ziyouz.comдаги жами китоблар сони 5041 тани ташкил этди. Улардан 2677 таси турли мавзудаги PDF китоблар, 149 таси дарсликлар, 1035 таси тўплам ва журналлар, 626 таси аудиокитоблар, 89 таси мобил телефонлар учун китоблар ҳамда 465 таси рус тилидаги ўзбек адабиёти ва тарихига бағишланган китоблардир.

2014 йил, 1 декабрь. Ziyouz.com портали асосчиси Давронбек Тожиалиев “Ўзбекистон” каналининг “Ассалом Ўзбекистон” дастурида китобхонлик, мутолаа маданияти ва зиё портали ҳақида ҳикоя қилди.

2015 йил, 1 январь. Openstat маълумотларига кўра, 2014 йилда www.ziyouz.com порталига ташриф буюрганлар сони 2 336 786 нафарни ташкил этди (кунига ўртача 6402 киши). Ташриф буюрганларнинг 1 545 900 нафари Ўзбекистондан бўлса, Россия (318 598), АҚШ (198 518), Қозоғистон (42 388), Қирғизистон (41 435), Корея (33 814), Туркия (32 265), Тожикистон (20 456), БАА (9 928), Швеция (9 627), Германия (7 170) каби 165 дан ортиқ давлатларидан ҳам кўплаб мухлислар баҳраманд бўлишмоқда.
2014 йили порталга 1 348 328 киши мобил қурилмалар орқали ташриф буюрган. Энг кўп Nokia, Samsung, Apple аппаратлари орқали сайтга кирилган.
Портал учун энг кўп Opera Mini браузеридан фойдаланилган. Кейинги ўринларни Chrome, Android Browser, Opera, UCWEB браузерлари эгаллашди.
Йил давомидаги ташрифларнинг 1 169 202 таси қидирув системалари ҳиссасига тўғри келган. Ziyouz.com дан энг кўп “сўралган” сўзлар: китоблар, Амир Темур, намоз вақтлари, мантиқий саволлар, Алишер Навоий, Жалолиддин Румий…

Йилнинг энг машҳур китоблари:
1. “Мен ҳам намоз ўқийман”
2. Қуръони карим. Алоуддин Мансур таржима ва тафсири
3. Имом ал-Бухорий. Ал-жомеъ ас-саҳиҳ (1-жилд)
4. Абдулла Қодирий. Ўткан кунлар (роман)
5. Ўзбек тилининг изоҳли луғати (2 жилдлик)
6. Тоҳир Малик. Шайтанат (биринчи китоб)
7. Абу Али ибн Сино. Тиб қонунлари. 1-жилд
8. Алишер Навоий. Хамса: Лайли ва Мажнун (насрий баёни)
9. Туркча-ўзбекча – ўзбекча-туркча луғат
10. Русча-ўзбекча луғат. 1-жилд

Йилнинг энг машҳур бўлимлари:
1. Ziyouz.com кутубхонаси
2. Намоз тақвими
3. Қуръони карим
4. Ўзбек шеърияти
5. Ҳикматлар хазинаси
6. Сара мақолалар
7. Тарих
8. Қизиқарли маълумотлар
9. Жаҳон насри антологияси
10. Ўзбек насри антологияси

Йилнинг энг машҳур мақолалари:
1. Соҳибқирон Амир Темур (1336-1405)
2. Алишер Навоий (1441-1501)
3. Намоз ўқиш тартиби (расмлари билан)
4. Ота-оналаримиз ҳақида шеърлар
5. Зиё-Уз викторинаси архиви (қизиқарли савол-жавоблар)
6. Қадимги дунёнинг етти мўжизаси
7. Муҳаммад Юсуф (1954-2001)
8. Таҳорат китоби
9. Абу Али ибн Сино ҳикматлари
10. Жалолиддин Румий (1207-1273)

Андроид Маркетда энг кўп юклаб олинган китоблар:
Ақл ақлдан қувват олади (37136 марта юкланган)
Ўзбек халқ топишмоқлари (34218 марта юкланган)
Чингиз Айтматов. Қиёмат (30601 марта юкланган)
Тоҳир Малик. Шайтанат (30133 марта юкланган)
Саодат асри қиссалари (27652 марта юкланган)
Ўзбек халқ эртаклари (23891 марта юкланган)
Абдулла Қодирий. Ўткан кунлар (20460 марта юкланган)
Абдулла Қодирий. Меҳробдан чаён (15210 марта юкланган)
Чўлпон. Кеча ва кундуз (14999 марта юкланган)
Пиримқул Қодиров. Юлдузли тунлар (13897 марта юкланган)

2015 йил 1 январь ҳолатига кўра, Ziyouz порталида:
Мақолалар сони: 18770 та (n.ziyouz.com – 7852, islom.ziyouz.com – 2015, davronbek.ziyouz.com – 348, ziyouz.uz – 7151, ziyouz.uz/ru – 1251, ziyouz.uz/en – 153).
Китоблар сони: 5274 та (турли мавзудаги ПДФ китоблар – 2765, дарсликлар – 175 та, тўплам ва журналлар – 1127 та, аудиокитоблар – 651 та, мобил телефонлар учун китоблар – 89 та, рус тилидаги ўзбек адабиёти ва тарихига бағишланган китоблар – 467 та).
Жаҳон адабиётидан ҳикоя ва қиссалар сони: 836 та.
Ўзбек адабиётидан ҳикоя ва қиссалар сони: 2328 та.
Ўзбек адабиётидан шеърлар: 10000 дан ортиқ.
Жаҳон адабиётидан шеърлар: 5000 дан ортиқ.
Жаҳон ва ўзбек маданияти, фани арбоблари ҳақида маълумотлар: 2000 дан ортиқ.
Ҳикматлар ва афоризмлар: 30000 дан ортиқ.
Ўзбек халқ мақоллари: 10000 дан ортиқ.
Жаҳон халқлари мақоллари: 6500 дан ортиқ.
Ўзбек халқ топишмоқлари: 1500 дан ортиқ.
Ўзбек халқ эртаклари: 219 та.
Facebook саҳифамиз мухлислари сони: 7212 та.
Youtube каналимиздаги видеолар сони: 15 та.
Twitterдаги ўқувчиларимиз сони: 353 та.

2015 йил, 7 февраль. Хостингдаги узилишлар туфайли www.ziyouz.uz сайти аввал Uzinfocom’дан Active Cloud’га, сўнг Godaddy’га кўчирилди. www.ziyouz.uz сайти янги дастурий таъминот ва дизайн билан қайта ишга тушди.

2015 йил, 21 май. Порталнинг Facebook саҳифасида кичик танловлар силсиласи бошланди. Викторина тарзида кечадиган танлов ғолибларига китоблар тақдим этилди.

2015 йил, 29 май. Республика “Китоб байрами”да www.ziyouz.com ҳам қатнашди. Портал муҳаррири «Китоб – миллатнинг бебаҳо маънавий ва маданий мероси» мавзуидаги илмий-амалий конференцияда “Китобхонликни ривожлантиришда интернетдан фойдаланиш самаралари” мавзусида маъруза билан иштирок этди.

2015 йил, 31 май. Facebook тармоғидаги мухлисларимиз сони 8000 дан ошди.

2015 йил, 5 декабрь. Ziyouz.com кутубхонасида олий ва ўрта махсус таълим муассасалари дарсликлари учун алоҳида бўлим очилди. Унга 19 йўналишда 180 та китоб киритилди.

2015 йил, 7 декабрь. Порталдаги электрон китоблар сони 6000 дан ошди. Ziyouz.comдаги жами китоблар сони 6124 тани ташкил этди. Улардан 3111 таси турли мавзудаги PDF китоблар, 149 таси мактаб дарсликлари, 180 таси олий ва ўрта махсус таълим муассасалари дарсликлари, 1235 таси тўплам ва журналлар, 862 таси аудиокитоблар, 89 таси мобил телефонлар учун китоблар ҳамда 498 таси рус тилидаги ўзбек адабиёти ва тарихига бағишланган китоблардир.

Қарийб 12 йил давомида Ziyouz кутубхонаси китобларини тайёрлашда қуйидаги манбалардан фойдаланилди:
Фарғона вилояти кутубхонаси
Марғилон шаҳар кутубхонаси
Марғилон педагогика коллежи кутубхонаси
Марғилон иқтисодиёт коллежи кутубхонаси
“Ёшлик” журнали таҳририяти архиви
“Шарқ юлдузи” журнали таҳририяти архиви
“Ҳидоят” журнали таҳририяти архиви
“Жаҳон адабиёти” журнали таҳририяти архиви
“Тафаккур” журнали таҳририяти архиви
“Тафаккур” нашриёти архиви
Ойбек уй-музейи архиви
Академик Ойбек шахсий кутубхонаси
Профессор Ғайбуллоҳ ас-Салом шахсий кутубхонаси
Профессор Наим Каримов шахсий кутубхонаси
Тарих фанлари доктори Маҳмуд Ҳасаний шахсий кутубхонаси
Иқтисод фанлари номзоди, профессор ва адиб Қудрат Дўстмуҳаммад шахсий кутубхонаси
Физика-математика фанлари доктори, профессор Мансурхон Тоиров шахсий кутубхонаси
Филология фанлари доктори, профессор Жаббор Эшонқул шахсий кутубхонаси
Шоир Хуршид Даврон шахсий кутубхонаси
Ёзувчи Тоғай Мурод ва Маъсума Аҳмедоваларнинг шахсий кутубхонаси
Шоир Муҳаммад Юсуф ва Назир ас-Саломларнинг шахсий кутубхонаси
Шоир ва таржимон Аъзам Обидов шахсий кутубхонаси
Шоир Фахриёр шахсий кутубхонаси
Педагог Тоҳиржон Алиев шахсий кутубхонаси
Уламолар Раҳматуллоҳ қори Файзуллаев, Абдувоҳид Аҳмадалиев шахсий кутубхоналари
Китобсеварлар Собиржон Ёқубов, Ёрқинжон Ҳайдаров, Фаррух Жабборов, Андрей Кубатин, Элдор Асанов, Иқбол Қўшаева, Абдуқаҳҳор Раҳимов, Замира Ҳамидова, Аҳроржон Раҳмонов шахсий кутубхоналари
Ўз шахсий кутубхонам

2016 йил, 1 январь. Google Analytics маълумотларига кўра, 2015 йилда Ziyouz порталига ташриф буюрганлар сони 2 814 610 нафарни (www.ziyouz.com – 2 547 651; www.ziyouz.uz – 266 959) ташкил этди (кунига ўртача 7711 киши). Ташриф буюрганларнинг 48 фоизи Ўзбекистондан, Россия (14%), АҚШ (5%), Қозоғистон (4%), Қирғизистон (2%), Туркия (2%) каби 175 давлатдан ҳам кўплаб мухлислар ташриф буюрган.
Ташриф буюрувчиларнинг катта қисми 25-34 ёш орасидагилар (33,5%) бўлиб, 18-24 ёшлилар (27,5%), 34-44 ёшлилар (15,5%), 45-54 ёшлилар (12,5%), 55-64 ёшлилар (5,5%) ва 65 ёшдан ошганлар (5,5%) кейинги ўринларда.

2016 йил 1 январь ҳолатига кўра, Ziyouz порталида:
Мақолалар сони: 22389 та (n.ziyouz.com – 9607, islom.ziyouz.com – 2019, davronbek.ziyouz.com – 378, ziyouz.uz – 8923, ziyouz.uz/ru – 1301, ziyouz.uz/en – 161).
Китоблар сони: 6222 та.
Android Market‘даги китоблар сони: 20 та (520 431 марта кўчириб олинган).
Жаҳон адабиётидан ҳикоя ва қиссалар сони: 887 та.
Ўзбек адабиётидан ҳикоя ва қиссалар сони: 2609 та.
Ўзбек шеъриятидан намуналар: 10000 дан ортиқ.
Жаҳон шеъриятидан намуналар: 5000 дан ортиқ.
Жаҳон ва ўзбек маданияти, фани арбоблари ҳақида маълумотлар: 2000 дан ортиқ.
Ҳикматлар ва афоризмлар: 30000 дан ортиқ.
Ўзбек халқ мақоллари: 10000 дан ортиқ.
Жаҳон халқлари мақоллари: 6500 дан ортиқ.
Ўзбек халқ топишмоқлари: 1500 дан ортиқ.
Ўзбек халқ эртаклари: 336 та.
Facebook саҳифамиз мухлислари сони: 9774 нафар.
Youtube каналимиз обуначилари сони: 331 нафар (видеолар сони: 73 та).
Twitter’даги ўқувчиларимиз сони: 571 нафар.

2016 йил, 1 февраль. Facebook тармоғидаги мухлисларимиз сони 10000 кишидан ошди.

2016 йил, 5 февраль. Буюк мутафаккир, ўзбек адабиётининг ёрқин намоёндаси Алишер Навоий таваллудининг 575 йиллиги муносабати билан www.ziyouz.com портали шоирнинг ғазаллари жамланган аудиомажмуани тақдим этди. Ушбу аудиомажмуага 623 ғазалдан иборат MP3 форматдаги аудиоёзувлар киритилди.

2016 йил, 23 апрель. www.ziyouz.uz ва www.qadriyat.uz сайтлари эълон қилган “Энг гўзал ҳикоятлар” танлови якунланди. Танловга 329 та ибратли ҳикоятлар таржималари тақдим этилди. Уларнинг 38 таси араб тилидан, 28 таси инглиз тилидан, 232 таси турк тилидан, 30 таси рус тилидан, биттаси қозоқ тилидан қилинган таржималардир.

2016 йил, 17 май. www.ziyouz.uz сайти 4-марта хакерлар ҳужумига учради. Ташқи дастурий хавфлар сабаб мулоҳаза қўшиш панели ўчирилди.

2016 йил, 24 июль. www.ziyouz.uz ва www.qadriyat.uz сайтлари эълон қилган “Энг ибратли ҳаётий ҳикоялар” танлови якунланди. Танловга жами 57 нафар муаллифнинг 93 та ҳикояси келиб тушди.

2016 йил, 1 октябрь. “Маҳалла” каналининг “Жавондаги жавоҳир” кўрсатувида www.ziyouz.com портали асосчиси Давронбек Тожиалиев мутолаа маданияти ва бу борада порталда амалга оширилаётган ишлар ҳақида маълумот берди.

2016 йил 14-17 ноябрь. Анқара шаҳрида бўлиб ўтган “4. Туркий тилли ўлкалар миллий кутубхоналари конференцияси”да Ziyouz электрон кутубхонаси ҳам иштирок этди.

2016 йил 26 декабрь. Тинимсиз хакерлик ҳужумларидан сўнг www.ziyouz.uz сайти бошқа веб-платформага ўтказилди. Янги платформада ишлаш тезлиги бир неча бараварга оширилди.

2017 йил, 1 январь. Google Analytics маълумотларига кўра, 2016 йилда Ziyouz порталига ташриф буюрганлар сони 3 472 196 нафарни (www.ziyouz.com — 3 059 074; www.ziyouz.uz — 413 122) ташкил этди (кунига ўртача 9512 киши). Ташриф буюрганларнинг 56 фоизи Ўзбекистондан. Россия (12%), АҚШ (5%), Қозоғистон (2%), Қирғизистон (2%), Туркия (2%), БАА (2%) каби 171 давлатдан ҳам кўплаб мухлислар ташриф буюрган.

2017 йил 1 январь ҳолатига кўра, Ziyouz порталида:
Мақолалар сони: 24276 та (n.ziyouz.com — 10420, islom.ziyouz.com — 2258, davronbek.ziyouz.com — 391, ziyouz.uz — 9645, ziyouz.uz/ru — 1353, ziyouz.uz/en — 209).
Китоблар сони: 7942 та.
Android Market‘даги китоблар сони: 20 та (781 002 марта кўчириб олинган).
Facebook саҳифамиз мухлислари сони: 14424 нафар.
Youtube каналимиз обуначилари сони: 1000 нафар (видеолар сони: 199 та, 557 555 марта кўрилган).
Twitter’даги ўқувчиларимиз сони: 760 нафар.

2017 йил 6 январь. www.ziyouz.uz ва www.qadriyat.uz сайтлари эълон қилган “Маҳбуб Пайғамбар (с.а.в.)” номли сийрат танлови ғолиблари аниқланди. Танловга Оламларга раҳмат Пайғамбар (с.а.в.) мадҳ этилган ва сийратлари баён қилинган шеър, наът, манзума, мактуб, дил изҳори, инфографика, илмий мақолалардан иборат жами 92 та ижодий иш келиб тушди.

2017 йил, 30 январь. Порталимиздаги электрон китоблар сони 8000 дан ошди.

2017 йил, 17 апрель. Facebook тармоғидаги мухлисларимиз сони 15000 кишидан ошди.

2017 йил, 2 май. Порталнинг Telegram тармоғидаги канали очилди.

2017 йил 26-27 июнь. Астана шаҳрида Expo-2017 доирасида «Ўқиётган дунёда китобхон миллат» халқаро симпозиумида Ziyouz электрон кутубхонаси маъруза билан иштирок этди.

2017 йил 14-18 август. Истанбул шаҳрида Туркия Республикаси Маданият ва туризм вазирлиги ҳамда Евроосиё Ёзувчилар уюшмаси ташкил этган «Турк дунёси ёш ёзувчилари учрашуви»да Ziyouz маърифий портали иштирок этди.

Leave a Reply

Your email address will not be published. Required fields are marked *