БОШҚОТИРМА
1. Аллоҳ ҳузуридаги энг мақбул дин. 2. Тасаввуфдаги камолот босқичларидан бири. 3. Рамазон ойида ўқиладиган 20 ракаатли намоз. 4. Мусулмонлар дастлаб ҳижрат қилган мамлакат (Ислом тарихидан). 5. Мумтоз адабиётимизда йирик асарлар бошидаги пайғамбаримиз мадҳлари. 6. Абуллайс Самарқандийнинг машҳур асари, ҳадислар тўплами. 7. Қавмини тўфон балоси ҳалокатга учратган пайғамбар. 8. Жаннатдаги гўзал малаклар. 9. Аллоҳ таолонинг сифатларидан бири (раҳмли). 10. Охир замон пайғамбари, сарвари коинот. 11. Совут ясаш санъати билан шуҳрат қозонган пайғамбар. 12. Нариги дунё. 13. Пайғамбаримизнинг оналари исми. 14. Муҳаммад алайҳиссаломнинг оталари. 15. Исломий фарзларнинг бешинчиси. 16. Муҳаммад алайҳиссаломнинг энг катта душманларидан бири, Макка мушрикларининг етакчиси – Абу … . 17. Пайғамбарлардан бири, Иброҳим алайҳиссаломнинг ўғли. 18. Намоз рукнларидан бири. 19. Намоздаги эгилиш амали. 20. Иккинчи халифа. 21. “Ризқ берувчи” маъносини билдирувчи Аллоҳ таолонинг сифати. 22. Муҳаммад алайҳиссалом туғилган қабила. 23. Исломий йўл-йўриқ, қонун-қоидалар мажмуи. 24. Тасаввуфдаги иккинчи босқич. 25. Қуръон ўқиш қоидалари тўплами. 26. Баҳоуддин Нақшбандий тариқатининг шиори. 27. Исо алайҳиссаломнинг лақаби. 28. Қуръони каримда зикр этилган пайғамбарлардан бири. 29. Тўғри йўлга ташвиқ этиш. 30. Исломий ибодатлардан олдинги покланиш. 31. Аллоҳни зикр этиш. 32. Пайғамбаримиздан энг кўп ҳадисни ривоят қилган саҳоба. 33. Қуръони каримнинг ўзбекчага охирги таржимаси муаллифи. 34. Довуд алайҳиссаломга туширилган китоб. 35. Намоздаги такбир, қиём, руку, сажда, қаъда рукнларининг умумлашмаси, миқдор. 36. Мусо алайҳиссаломга туширилган китоб. 37. Ислом фалсафасидаги “кадар” тушунчаси. 38. Шайтони лаин кишанланадиган муқаддас ой. 39. Ҳанафия мазҳабининг асосчиси исми. 40. Қуръони каримнинг 30-жузъидаги сура. 41. Жаннат боғи. 42. Имом ал-Бухорийнинг машҳур ишонарли ҳадислар тўплами. 43. Бурҳониддин ал-Марғинонийнинг Ислом фиқҳшунослигига оид машҳур асари. 44. Пайғамбарлардан бири, Закариё алайҳиссаломнинг ўғли. 45. Қуръони каримнинг юраги бўлган сура. 46. Қуръони каримдаги “асалари“ маъносини билдирувчи сура. 47. Қуръони карим нозил қилинган муқаддас кеча. 48. Аллоҳ таолонинг сифати. 49. Аллоҳнинг уйи. 50. Али каррамаллоҳу важҳанинг эгизак ўғилларидан бири. 51. Қуръони каримдаги охирги сура. 52. Пайғамбаримизни кўриб, уларнинг суҳбатларидан баҳраманд бўлган кишилар. 53. Пайғамбаримизнинг боболари. 54. Пайғамбаримиз меърож кечаси Аллоҳ ҳузурига парвоз қилганларида минган тулпорлари. 55. Энг охирги самовий китоб. 56. Шарқнинг буюк фалсафасини ўзида намоён этган тариқат йўли. 57. Арабистон яриморолидаги исломий давлатлардан бири. 58. Исломий фарзларнинг иккинчиси. 59. Ортиқча мол-мулк ҳисобидан 40/1 нисбатдан бериладиган садақа. 60. Пайғамбаримизнинг амакилари – Абу … . 61. Шаъбон ойидаги муқаддас кеча. 62. Тазарру, Аллоҳдан гуноҳларнинг авф этилишини сўраш. 63. Пайғамбаримизнинг сифатлари. 64. Аллома, “Тафсири ҳилол” асарининг муаллифи. 65. Қуръони каримнинг 30-жузъидаги “чорқул”-суралардан бири. 66. Қуръони каримнинг дастлабки оятларида зикр этилган ёзув асбоби. 67. Пайғамбаримиз Муҳаммад соллаллоҳу алайҳи васаллам туғилган шаҳар. 68. Пайғамбаримиз меърожга чиққан Фаластиндаги машҳур масжид. 69. Қуръони каримни биринчи бўлиб ўзбекчалаштирган аллома. 70. Ўзбекистон мусулмонлар идораси раиси, муфтий. 71. “Қул ҳуваллоҳ” калимаси билан бошланувчи сура. 72. Абу Бакр розияллоҳу анҳунинг лақаби. 73. Бурҳониддин Рабғузийнинг пайғамбарлар тарихига оид китоби. 74. Нуҳ алайҳиссаломнинг ўғли, туркийлар тарқаган Туркнинг отаси. 75. Қуръон карим 114 …дан ташкил топган. 76. Инжил ва Тавротда келган пайғамбаримизнинг номлари. 77. Мусулмонларнинг бош кийими, салла. 78. Рамазон ойидаги исломий амал.
Тузувчи: Давронбек ТОЖИАЛИЕВ
«Ислом нури» газетаси, 15.01.2010
