Taksida ketayotgandim, “ochered” haqida gap ketdi. 90-yillar boshidagi nonga navbatda turgan murg’ak davrlarimiz eslandi. Orqadagi yo’lovchi aka hind kinolariga kirish uchun navbatda turgan yoshlik davrlarini esladi. Men esa so’nggi marta eng uzun – bir kilometrlik navbatni Berlindagi “Pergamon” muzeyi oldida ko’rganimni aytdim. Haydovchi indamay ketardi. Birozdan so’ng, u: “Hozir men sizga eng uzun “ochered”ni ko’rsataman. Bizda eng katta navbat mana bu” deya u Ohangaronda metan gazi uchun navbatda turgan 5 kilometrlik mashinalar karvonini ko’rsatdi…